ONN MEDİA

Dəb proqnozu: Yazda hansı rənglər TREND olacaq?

Dəb proqnozu: Yazda hansı rənglər TREND olacaq?
06 Mart 2019 - 21:52

Məşhur “Pantone” rəng şirkəti 2019-cu ilin yaz-yay aylarının trend çalarlarını açıqlayıb.

ONN media xəbər verir ki, bu il xüsusilə qırmızı, sarı və narıncı çalarları aktual olacaq.

Qırmızı

“Pantone”nin təqdim etdiyi rəng palitrasında birinci yeri açıq qırmızı çalarları məşğul edir. “Pantone” şirkəti hesab edir ki, qırmızı olduqca həyəcanverici və isti rəngdir. Odur ki, xüsusilə şənliklər üçün əlverişlidir. Qırmızının güclü enerjisi yaz və yay mövsümünün əhval-ruhiyyəsini özündə əks etdirir.

Tünd qırmızı

Qırmızının daha tünd versiyası bahar ayları üçün gözlənilməz olsa da, zərifliyi sayəsində çoxlarının qəlbinə yol tapacaq.

Sarıkök çaları

Sarının belə çaları istənilən obrazı dərhal canlandırır. Odur ki, sarı ilə barışmağa və onu qarderoba əlavə etməyə dəyər.

Parlaq sarı

Qızıl sarısı deyilən bu versiya sizə bütün problemləri bir müddət unutduraraq qəlbimizə rahatlıq bəşx edəcək. Günəş rəmzi sayılan sarı istər gündüz, istərsə də gecə ziyafətləri üçün uğurlu seçimdir.

Bənövşəyi

Bənövşəyinin bir qayda olaraq yaz və yay aylarının trendi olduğuna çoxdan alışmışıq. Dəyişməz qayda bu il üçün də keçərlidir.

Mərcan çaları

Mərcanın açıq tonları yaz və yay aylarında xüsusilə xoş və iddialı təsir bağışlayır.

Çəhrayı

Çəhrayı da daha tünd versiyası – bənövşəyi ilə eyni statusa malikdir. Açıq çəhrayı romantik bahar günlərində obrazı daha mənalı göstərmək qüdrətinə malikdir. Yadda saxlayın ki, məsumluğu simvolizə edən çəhrayı istənilən qadının saflığını ön plana çəkir.

Xardal sarısı

Yuxarıda söylədiyimiz kimi, sarının çalarları bu il bizi hər yerdə addım-addım izləyəcək.

Bibər yaşılı

Bibər yaşılı 2019-cu ilin ən orijinal çaları möqeyinə yüksəlib. Digər rənglər qədər parlaq və diqqətçəkici olmasa da, günəşli havalar üçün əlverişlidir, o, obrazı daha şıq və zərif göstərəcək. Təbiət rənglərindən ilham almağa dəyər.

Göy

Əsasən ciddi görüşlər üçün nəzərdə tutulan göy bu bahar bir çox moda evinin kolleksiyalarında qarşımıza çıxacaq. Kralın əzəmətini əks etdirən göy mükəmməl və nəcib obrazın əsas detallarından biridir. İngiltərə şahzadəsinin xanımı Meqan Marklın tez-tez üstünlük verdiyi göy sizə imkan verir ki, yaz aylarında kral ailəsinin üzvü kimi şıq və cəlbedici görünəsiniz.

Karamel

Dizaynerlərin seçimi sayəsində qəhvəyinin açıq çaları adını baharın trend rəng cədvəlinə yazdıra bilib. Güclü təsir bağışlamaq üçün karamel tonlarını qara və ya ağ ilə birləşdirin.

Yosun çaları

Təbiətin təbii tonlarını ifadə edən yosun yaşılı müəyyən mənada hərbçi geyimlərini xatırladır. Yeni mövsümdə fərqli tərz yaratmaq üçün sınamağa dəyər.

Ağımtıl çəhrayı

Digərləri ilə müqayisədə daha sadə görünən ağımtıl çəhrayı romantizm rəmzi sayılır. İstənilən rənglə asanlıqla uyğunlaşan çəhrayı hər tərəfə pozitiv enerji saçır.

Limon sarısı

Sarının neon versiyası əsasən yeniyetmələr və uşaqlar üçün nəzərdə tutulub. Lakin bu, o demək deyil ki, böyüklər ondan imtina etməlidir. Moda dünyası hər yaşda edilən bütün eksperimentlərə qapısını açıq elan edir.

Bej

Bej çalarları yəqin ki, zərif görünməyə gedən yolda ən asan üsuldur. Parlaq rənglər də daxil olmaqla oxşar çalarlarla uzlaşan bejə özünüzü bütün mövsüm boyu əmanət edə bilərsiniz.

Gecə qaranlığı

Ulduzlu yay səmasını xatırladıran tünd göy sirli təəssürat oyadır. Odur ki, tünd göyü diqqətdən kənar qoymayın.

Süd rəngi

Moda dünyası bəyaz sevərlər üçün onun yeni versiyasını təqdim edib. İstisna deyil ki, bu rəng geyimləri mövsüm bitənə qədər əyninizdən çıxartmaq istəməyəcəksiniz.

Zəngin qəhvəyi

İstər yaz, istərsə də yay ayları açıq rənglər üçün daha ideal mövsümdür. O da həqiqətdir ki, istəsək də, istəməsək də tünd rəngləri həyatımızdan çıxara bilmirik. Onlara ilin bütün fəsillərində böyük ehtiyac yarana bilər. Bu tələbatı nəzərdən qaçırmayan dizaynerlər 2019-cu il üçün qəhvəyinin sərt çalarlarını təklif edir. Qışda görməyə adət etdiyimiz qəhvəyi yayda da özünü göstərəcək.


ONN informasiya agentliyi

image_print Çap Et
Dəb proqnozu: Yazda hansı rənglər TREND olacaq?
Dəb proqnozu: Yazda hansı rənglər TREND olacaq?
Dəb proqnozu: Yazda hansı rənglər TREND olacaq?
Dəb proqnozu: Yazda hansı rənglər TREND olacaq?
Dəb proqnozu: Yazda hansı rənglər TREND olacaq?
Dəb proqnozu: Yazda hansı rənglər TREND olacaq?
Dəb proqnozu: Yazda hansı rənglər TREND olacaq?
OXŞAR XƏBƏRLƏR
Şərhlər
Şərh yoxdur
XƏBƏR LENTİ
ONN-agentlik.png ONN-agentlik.png ONN-agentlik.png

© Müəllif hüquqları qorunur. Powered by ONN GROUP