ONN İnformasiya Agentliyi

Universitetlərə imtahansız qəbul olmaq istəyən 700-dən çox məzuna şad xəbər

Universitetlərə imtahansız qəbul olmaq istəyən 700-dən çox məzuna şad xəbər
17 İyun 2019 - 12:53
Ali təhsil müəssisələrinə imtahansız qəbul olmaq istəyən subbakalavrların qeydiyyatı davam edir.
Dövlət İmtahan Mərkəzindən (DİM) ONN media-ya verilən məlumata görə, elektron ərizələrin qəbulu internet vasitəsilə aparılır. İyunun 17-si saat 10:45-ə olan məlumata görə, 728 subbakalavr qeydiyyatdan keçib. Onlardan 715-nin ərizəsi təsdiqlənib.
Subbakalavrlar DİM-in ekabinet.dim.gov.az səhifəsində “Şəxsi kabinet” yaratdıqdan sonra istifadəçi adı və paroldan istifadə etməklə internet səhifəsinə daxil olub, “Subbakalavrın elektron ərizəsi” formasını təsdiq edirlər. Tələb olunan məlumatlar “Tələbə-məzun” dövlət elektron məlumat sistemindən onlayn əldə olunur. Bu məlumatları tam olmayan subbakalavrlar ilk olaraq məzunu olduqları orta ixtisas təhsili müəssisələrinə müraciət etməli və məlumatlarının sistemə daxil olunmasını təmin etməlidirlər. Qeyd olunan tarixlərdə ərizəsini təsdiq etməyən subbakalavrlar müsabiqəyə buraxılmayacaq.
ONN İnformasiya Agentliyi
image_printÇap Et

OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png