ONN İnformasiya Agentliyi

Sabahdan idman zalları açılır – QAYDALAR VƏ ŞƏRTLƏR açıqlandı

Sabahdan idman zalları açılır – QAYDALAR VƏ ŞƏRTLƏR açıqlandı
09 İyun 2021 - 10:38

“Operativ Qərargahın məlum qərarından sonra nazirlik bir sıra tədbirlər həyata keçirib. Artıq bütün federasiyalara tövsiyyə xarakterli məktub göndərilib. Hər bir idman federasiyası inkişaf edirdiyi idman növü üzrə klub və zallarına nəzarət etməlidir”.

ONN media bildirir ki, bu sözləri Gənclər və İdman Nazirliyinin mətbuat xidmətinin rəhbəri Qabil Mehdiyev bildirib.

O əlavə edib ki, federasiyalar vasitəsilə hər bir kluba elektron təlimat kitabçası da elektron şəkildə göndəriləcək: “Bu kitabçada qeyd olunacaq ki, idman zallarında növbəlilik prinsipi ilə məşqlər keçirilsin. Hansı idman zalındakı sıxlıq müşahidə olunur, orada qrafik tutulmalıdır və növbəli şəkildə ora daxil olmalıdırlar. Hər kəs eyni vaxtda idman zalına gəlməməlidir.

Bundan başqa COVID-19 pasportu da tələb olunur. Bu pasport iyunun 10-dan məşqlərə gələn idmançılara aiddir. Amma məşq zallarında olan təlimatçı və müəllimlər iyulun birinə kimi onlara möhlət verilib.

İdman zallarının rəhbərliyi də hər bir şəxsin print olunmuş formada COVID pasportunu və şəxsiyyət vəsiqəsini özündə saxlamalıdır. Reyd olduğu təqdirdə idmançılar bir-bir narahat edilməsin və sənədlər onlara göstərilə bilsin”.

Qeyd edək ki, idman zallarında duş kabinələri də fəaliyyət göstərəcək. Sadəcə gigiyenik qaydalara riayət etmək və ara məsafəsini gözləmək əsas şərt olacaq. (baku.vs)

ONN İnformasiya Agentliyi
image_printÇap Et
OXŞAR XƏBƏRLƏR
Şərhlər
Şərh yoxdur
XƏBƏR LENTİ
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png