Rusiyada daha bir azərbaycanlı qanuni oğru qətlə yetirilib.

 ONN media xəbər verir ki, bu barədə “CrimeTime” məlumat yayıb.

Bildirilir ki, Moskvanın şimal-qərbində öldürülən şəxs cinayətkar cəmiyyətdə daha çox “Albert Rıjiy” kimi tanınan 40 yaşlı azərbaycanlı qanuni oğru Əli Heydərovdur.

Məlumata görə, cinayət hadisəsi bu gün günorta saatlarında mərhumun yaşadığı “Alıe Parusa” yaşayış kompleksinin fitness klubunda baş verib.

15 aprel Əli Səbrinin doğulduğu gündür

Qətl zamanı yaxınlıqda kriminal avtoritetin mühafizəçisi olub. Hazırda hadisə yerində polis əməkdaşları tərəfindən araşdırmalara başladılıb.

Xatırladaq ki, Əli Müseyib oğlu Heydərov 1981-ci il fevral ayının 2-də Gəncədə anadan olub. “Albert Rıjiy” ləqəbi ilə məşhurlaşan Ə.Heydərov “qanuni oğru” adını 2012-ci ildə Sankt-Peterburqda menqrel kriminal avtoritetlər Merab Mzarelua və Kardava qardaşları tərəfindən alıb. Ded Xasan klanında yer alan “Albert Rıjiy” Rusiyanın Şimal-Qərb regionu üzrə “smotryayuşi” təyin edilib.

ONN İnformasiya Agentliyi
Çap Et