ABŞ və Kanada arasında yerləşən tuneldə yük qatarı relsdən çıxıb. ONN media xəbər verir ki, insident ABŞ-ın Miçiqan ştatının Port-Quron şəhəri və Kanada arasında yerləşən Sent Kler tunelində ("St. Clair Tunnel") baş verib. Məlumata əsasən, lokomotiv və 46 vaqon relsdən çıxıb. Hadisə nəticəsində xəsarət alan olmayıb. Qeyd edilir ki, hadisənin nəticələrinin aradan qaldırılması bir neçə gün çəkə bilər.