Özünü ''İraq və Şam İslam Dövləti'' (İŞİD) adlandıran terror təşkilatı​ "Türkiyə Vilayəti" adlandırdığı xüsusi yerdən təhdid videosu yayıb. ONN media Türkiyə mətbuatına istinadən xəbər verir ki, İŞİD-in 5 üzvü öz liderlərinə bağlılıqlarını təzələdiklərini deyərək ABŞ və Türkiyəni hədələyiblər. 5 dəqiqə 2 saniyə uzunluğundakı videoda bir neçə terroristin türkcə danışması diqqət çəkib. Mütəxəssislər İŞİD-in bu həmləsini "qruplaşmanın ümidsiz halları" kimi dəyərləndiriblər. Onların sözlərinə görə, qruplaşma bu kimi videolarla yenidən terrorist qazanmağa cəht edir.