Kremlin mətbuat katibi Dmitri Peskov Rusiyanın G8 formatına qayıdışı ilə bağlı səslənən fikirləri şərh edib. Rusiya rəsmisi bildirib ki, hələ ki, bununla bağlı yalnız 2 üzv ölkənin (Fransa və ABŞ) mövqeyi bəllidir və digər üzvlərin də rəyi öyrənilməlidir. “Orada digər ölkələr də var. Bizə ikisinin əhval-ruhiyyəsi bəllidir. Digərlərinin də əhvalı öyrənilməlidir”, - deyə Peskov bildirib. Qeyd edək ki, ABŞ Prezidenti Donald Tramp və Fransa lider Emmanuel Makron Rusiyanın G8-ə formatına qayıtması istəklərini dilə gətirmişdilər.(axar.az)