Ötən günlərdə 27-ci doğum gününü qeyd edən məşhur aktrisa Neslihan Atagül məkandan çıxarkən müxbirlərin suallarını cavablandırıb. ONN media bildirir ki, yeni mövsümdə aktyor Engin Akyürek ilə birlikdə baş rolları canlandıracağını təstiqləyən Atagül "Həyəcanlıyam. Çox gözəl bir layihə olacaq" sözlərini deyib. Müxbirlərin "son olaraq rol aldığınız "Kara Sevda" serialındakı tərəf müqabiliniz Burak Özçivit ata olub. Onu təbrik etdinizmi?" sualına "Allah xoşbəxt eləsin. Sağlam, xoşbəxt və uzun ömrü olsun" cavabını verib. Küsülü olduğu Fahriye Evcenin doğumdan sonra çəkisinin artması səbəbilə gələn tənqidlərə fikir bildirən aktrisa Evcenə dəstək olub Atagül "Həyatdır. Bunlar normal şeylərdir. İnsanları bu qədər tənqid etmək lazım deyil" sözlərini deyib.