Almaniyada “Eurowings” aviaşirkətinə məxsus sərnişin təyyarəsinin hava boşluğuna düşməsi nəticəsində azı 13 nəfər xəsarət alıb. ONN media APA-ya istinadən xəbər verir ki, “Airbus 319” tipli təyyarə İtaliyanın Lamesiya-Terme şəhərindən Berlinə uçurmuş. Teqel hava limanına enməzdən əvvəl təyyarə hava boşluğuna düşüb. Nəticədə xəsarət alan sərnişinlərdən 6 nəfər müxtəlif dərəcəli travmalarla xəstəxanaya yerləşdirilib. Digər 7 nəfərə isə yerində tibbi yardım göstərilib.