Hadi Rəcəbli qərarını dəqiqləşdirməyib — AÇIQLAMA
V çağırış Milli Məclisin Əmək və sosial siyasət komitəsinin sədri Hadi Rəcəbli parlamentə keçiriləcək təkrar seçkilərdə iştirak edib-etməyəcəyinə aydınlıq gətirib.
ONN media xəbər verir ki, H.Rəcəbli azvision.az-a açıqlamasında bildirib ki, bu barədə qərarını tezliklə açıqlayacaq:
“Hələlik qəti qərarım yoxdur. Düşünürəm”.
Qeyd edək ki, Mərkəzi Seçki Komissiyasının 13 fevral 2020-ci il tarixli iclasında Hadi Rəcəblinin lider namizəd olduğu 74 saylı Lənkəran Kənd Dairə Seçki Komissiyasında səsvermənin nəticələri ləğv edilib. Həmin dairədə pozuntuların olduğu bildirilib. Nəticəsi ləğv edilən 74 saylı dairədə təkrar seçkilər keçiriləcək.