31 may tarixindən sonra sərhədlərin açılması gündəmdə deyil. Bunun üçün 15 iyun tarixi düşünülür və bu müddət uzana bilər. ONN media  xəbər verir ki, bunu TƏBİB-in İdarə Heyətinin sədri Ramin Bayramlı Operativ Qərargahın brifinqində deyib: "Sərhədlərin açılması mövzusu ilə bağlı, karantin mərkəzlərinin vəziyyəti, vətəndaşlarımızın sayı müzakirə olunur". O əlavə edib ki, parklarda gəzinti zamanı sosial məsafə qaydalarına ciddi riayət olunmalıdır: "Qapalı məkanda maskalardan istifadə mütləqdir. Xüsusilə liftlərdə, binalarda virusun səthlər üzərində qalması nəzərə alınmalıdır. Eyni zamanda banklar qarşısında növbə zamanı taxılması mütləqdir".