Paytaxtın Xətai rayonunun Nobel prospektində BMV markalı avtomobil aşıb. ONN media Daxili İşlər Nazirliyinin Mətbuat xidmətinə istinadən xəbər verir ki, iyunun 9-da saat 5 radələrində Xətai rayonunun Nobel prospektində Bakı şəhər sakini Tofiq Mütəllimov idarə etdiyi BMV markalı avtomobili aşıb. Nəticədə xəsarət alan T.Mütəllimov və sərnişini Q.Mirişli xəstəxanaya yerləşdirilib, sürücü orada dünyasını dəyişib. Xətai RPİ tərəfindən araşdırma aparılır.