Rəcəb Tayyib Ərdoğanın başçılıq etdiyi Türkiyə Qarabağda strateji zəfər qazandı. ONN media  xəbər verir ki, bu barədə “Blumberq”də qələmə alınan məqalədə deyilir. “Azərbaycana qətiyyətli dəstəyini ifadə edərək Rusiyanın Cənubi Qafqazdakı güc sahəsinə daxil olan Türkiyə Prezidenti Rəcəb Tayyib Ərdoğan strateji qələbə qazandı”, - deyə bildirilib. Məqalədə vurğulanır ki, ABŞ və Fransa bu prosesin tamamən xaricində qaldı: “Rusiya, ABŞ və Fransa həmsədr ölkələr olaraq Dağlıq Qarabağ konfliktinin həllində uzun illər hər hansısa uğuru əldə edə bilmədilər”.(axar.az)