Milli Məclisin Mədəniyyət Komitəsinin sədri Qənirə Paşayeva Azərbaycan Böyük Vətən Müharibəsində şəhid olmuş Elxan Muradovun atası, Sabirabad rayonunun Əhmədabad kənd sakini Murad Muradovla görüşüb. ONN media  xəbər verir ki, komitə sədri şəhid atasını Azərbaycan Silahlı Qüvvələrinin düşmən üzərində tarixi zəfəri münasibəti ilə təbrik edib. Şəhid atası ilə ətraflı söhbət edən Q.Paşayeva ona Zəfər münasibəti ilə Mədəniyyət Komitəsi adından məktub və üzərinə “Qarabağ Azərbaycandır!” yazılmış, xüsusi hazırlanmış saat təqdim edib. Görüşdə Axıska Türkləri “Vətən” İctimai Birliyinin başqanı İsmayıl Rəhimov başda olmaqla Birliyin rəhbərliyi, “Nəfəs” Xeyriyyə İctimai Birliyinin sədri Firəngiz Balakişiyeva, Regional Hüquqi və İqtisadi maarifləndirmə ictimai birliyinin sədri Arzu Bağırova iştirak edib.