İngiltərənin “Mançester Yunayted” klubunun iki futbolçusu ilə yollarını ayıracağı dəqiqləşib. ONN media  xəbər verir ki, bu barədə “qırmızı şeytanlar”ın baş məşqçisi Ole Qunnar Sulşer məlumat verib. O bildirib ki, müdafiəçi Markos Roxo və yarımmüdafiəçi Cessi Linqard komandadan ayrılacaq. Baş məşqçi hətta ikincinin “Vest Hem”ə icarəyə veriləcəyini də söyləyib. Roxo isə karyerasını ölkəsi Argentinanın “Boka Xuniors” klubunda davam etdirəcək. Qeyd edək ki, cari mövsüm Linqard 3 oyunda iştirak edibsə, Roxo meydana çıxmayıb.