Ermənistanda üç xidmət yoldaşını qətlə yetirməkdə şübhəli bilinən hərbçi saxlanılıb.

ONN media xəbər verir ki, bu barədə erməni mediası məlumat yayıb.

Qeyd olunur ki, cümə axşamı yerli vaxtla 01:30-da hərbi hissələrdən birinin müdafiə bölgəsinin döyüş postunda güllələnmiş üç əsgərin meyiti tapılıb.

Axşam saat 17:40 radələrində isə onlarla qulluq edən A.X. adlı hərbçi saxlanılıb. O, qəsdən adam öldürməkdə ittiham olunur.

Ermənistanın İstintaq Komitəsi Cinayət Məcəlləsinin 104-cü maddəsinin 2-ci hissəsinin 1-ci bəndi ilə cinayət işi açıb.

Cinayət işinin ibtidai istintaqı davam edir.

Qeyd edək ki, bundan öncə Ermənistanın cənub-şərqində yerləşən hərbi hissələrdən birində 3 hərbi qulluqçunun meyitinin aşkarlandığı barədə məlumat yayılmışdı.