Yaranmış geosiyasi və geoiqtisadi vəziyyətdə Mərkəzi Bank banklarla aktiv fəaliyyətdədir və proseslərin ölkəmizin maliyyə sektorunun sabitliyinə təsiri təhlil olunur.

Bunu Mərkəzi Bankın baş direktoru Fərid Osmanov Rusiya Banklarının SWIFT-dən ayrılmasının Azərbaycan bankları ilə əməliyyatlara təsirlərindən danışarkən deyib. O bildirib ki, ödənişlərin icrasında müəyyən yubanmalar müşahidə olunsa da, ödənişlərdə problem müəyyən olunmayıb.

F. Osmanov həmçinin əlavə edib ki, "VTB Bank" kartları hazırda Azərbaycanda işləyir.

"Bu kartlar vasitəsilə nağdlaşdırılma həyata keçirilməkdədir. Ola bilər ki, banklar tərəfindən risklərin qiymətləndirilməsi fonunda limitlər tətbiq edilsin, lakin kartlar hazırda işləyir", - deyə o əlavə edib.