Rusiyanın Belqorod vilayətində Su-25 hücum təyyarəsi qəzaya uğrayıb.

ONN media xəbər verir ki, bu barədə Qərb Hərb Dairəsindən məlumat yayılıb.

"İyunun 17-də Su-25 təyyarəsi planlaşdırılmış təlim uçuşu zamanı Belqorod vilayətində qəzaya uğrayıb", - məlumatda qeyd olunub.

Hadisə Koroçanski rayonunda baş verib. İlkin məlumata görə, təyyarə elektrik naqillərinə dəyib və yerə çırpılıb.

Pilot katapult edə bilib.