“Qarabağ”ın UEFA Avropa Liqasının qrup mərhələsinə vəsiqə qazanması kluba ilkin mərhələdə 3,63 milyon avro qazandırıb.

ONN media xəbər verir ki, bu il turnirin ümumi mükafat fondu 465 milyon avro olacaq.

Ağdam təmsilçisi Avroliqadakı qrup oyunlarında hər qələbəyə görə 630 min avro, heç-heçəyə görə isə 210 min avro qazanacaq.

Təmsilçimiz qrup birincisi olarsa, əlavə 1,1 milyon avro, ikinci olarsa isə 500 min avro gəlir əldə edəcək.

Pley-off ödənişləri:

1/16 finala vəsiqə: 500 min avro

1/8 finala vəsiqə: 1,1 milyon avro

1/4 final: 1,5 milyon avro

1/2 finala vəsiqə: 2,4 milyon avro

Finala vəsiqə: 4,5 milyon avro

UEFA Avropa Liqasının qalibi: 4 milyon avro.