Ən təhlükəsiz messencer məlum oldu: Mesajlarınızı heç kim ələ keçirə bilməz

"Artezio" şirkətinin ekspertləri 20-dən çox messenceri təhlil edərək istifadəçilər üçün ən təhlükəsiz messenceri müəyyənləşdiriblər. "Signal" messenceri təhlükəsizlik səviyyəsinə görə ilk yeri tutub.

ONN media bildirir ki, mütəxəssislər "iOS" və "Android" sistemlərinin idarəetməsi altında işləyən messencerləri 30 parametr üzrə yoxlayıblar.

Şifrləmə protokolu və ikimərhələli autentifikasiya üzrə yüksək nəticə göstərmiş "Signal" messenceri birinci yeri tutub.

"Wickr" messenceri ikinci, "Telegram" isə üçüncü yerdə qərarlaşıb.

"Facebook Messenger" ən təhlükəli messencer elan edilib. (metbuat.az)