Ağcabədidə inanılmaz hadisə- Təmizlikçi oğlanı…

Ağcabədi rayonunda qızlar küçədə təmizlik işçisi olan oğlanı döyüblər.

ONN media xəbər verir ki, hadisə bir neçə gün əvvəl şəhərin mərkəzi küçələrindən birində baş verib.

DİN Mətbuat xidmətinin Bərdə regional qrupundan ONN media-ya bildirilib ki, insident barədə Ağcabədi rayon polis şöbəsi məlumatlıdır: “Hazırda Təhqiqat bölməsində araşdırma aparılır”.

Məlumata görə, təmizlik işçisini döyən qızlar və 1 oğlan saxlanılıb, onların ifadəsi alınıb. İddiaya görə, həmin oğlan qızlardan birinin anasını döyüb, buna görə sonradan tərəflər arasında dava düşüb.