Bayram günü evi yandı özüdə öldü

Xaçmaz rayonunun Köhnə Xaçmaz kəndində ümumi sahəsi 240 kvadratmetr olan ikimərtəbəli 6 otaq və aynabənddən ibarət evin yanar konstruksiyaları 80 kvadratmetr sahədə və dam örtüyü 50 kvadratmetr sahədə yanıb.

FHN-dən ONN media-ya verilən məlumata görə, yanğının kəşfiyyatı zamanı 1971-ci il təvəllüdlü Hacıyev Firuz Saday oğlunun yanmış meyiti yanğınsöndürənlər tərəfindən aşkar edilib. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Hadisə ilə əlaqədar müvafiq qurumlar tərəfindən təhqiqat aparılır.