Ən çox gəlir gətirən stadion hansıdır?

İspaniyanın “Barselona” klubunun ev oyunları keçirdiyi “Nou Kamp” stadionu ən çox gəlir gətirən stadiondur.

ONN media xəbər verir ki, Kataloniya təmsilçisinin stadionu 2017-2018-ci il mövsümündə bilet satıcından 144,8 milyon avro qazanc əldə edib. İspaniyanın digər klubu “Real Madrid”ın stadionu “Santyaqo Bernabeu” 143,4 milyon avro ilə ikinci, “Mançester Yunayted”in stadionu “Old Trafdford” isə 119,5 milyon avro qazanaraq üçüncü yerdə qərarlaşıb.

İlk onluqda sonraki yerləri müvafiq olaraq “Emireyts” (“Arsenal” – 111,6), “Alianz Arena” (“Bavariya” – 103,8), “Park de Prenc” (“Paris Sen-Jermen” – 100,6), “Enfild” (“Liverpul” – 91), “Uembli” (“Tottenhem” – 85,2), “Stenford Bric” (“Çelsi” – 83,4) və “Etihad” (“Mançester Siti” – 69,9) stadionları tutublar.