İki qurum eyni gün və eyni saata mitinq elan etdi

Milli Şura və Qarabağ Komitəsi eyni məkan, eyni gün və eyni saata mitinq təyin edib.

ONN media xəbər verir ki, Milli Şura və Qarabağ Komitəsinin Bakı Şəhər İcra Hakimiyyətinə (BŞİH) ayrı-ayrı etdikləri müraciətlərdə aprelin 20-si saat 15:00-dan 17:00-dək Yasamal rayonu ərazisində yerləşən “İdman Sağlamlıq Kompleksinin stadionunda (keçmiş “Məhsul”) mitinq keçirmək arzusu ifadə olunub.

BŞİH-in müraciətlərə gələn həftə cavab verəcəyi gözlənilir.