Lavrov Abdullahianla danışdı: Nələr müzakirə olundu?

Rusiya və İranın xarici işlər naziri Sergey Lavrov və Hüseyn Əmir Abdullahian arasında telefon danışığı baş tutub.

Bu barədə Rusiya Xarici İşlər Nazirliyinin məlumatında bildirilib.

Məlumata görə, XİN başçıları İranın nüvə proqramı üzrə Birgə Hərtərəfli Fəaliyyət Planı ətrafında Vyana danışıqları və Ukrayna böhranı ilə bağlı fikir mübadiləsi aparıblar.

Lavrov bildirib ki, ABŞ və müttəfiqlərinin Ukraynaya qarşı “Rusiyanın təcavüzü” ilə bağlı başlatdığı təbliğat kampaniyası təxribat xarakterlidir.