Ağdamda icra nümayəndəsi faciəvi şəkildə öldü

Ağdamda ölümlə nəticələnən yol-nəqliyyat hadisəsi baş verib.

ONN media xəbər verir ki, gecə saat 1 radələrində 1985-ci il təvəllüdlü Fərrux Nazim oğlu Cabbarov Xındırıstan kəndi istiqamətində “Lada Priora” markalı avtomobillə hərəkətdə olan zaman idarəetməni itirərək ağaca vurub.

Nəticədə sürücü hadisə yerində ölüb.

Məlum olub ki, F.Cabbarov avtomobili sürücülük hüququ və etibarnamə olmadan idarə edib.

Faktla bağlı cinayət işi başlanaraq istintaq aparılır.

Qeyd edək ki, F.Cabbarov Ağdam rayonu Əlimədətli kənd inzibati ərazi dairəsi üzrə icra nümayəndəsi vəzifəsində çalışıb.