ONN İnformasiya Agentliyi

Qazaxın azad edilən kəndlərində iş başlayır

Qazaxın azad edilən kəndlərində iş başlayır
28 May 2024 - 9:55

Qarabağın və Şərqi Zəngəzurun bərpasına tətbiq edilən proqram Qazax rayonunun Ermənistanla sərhəddə Azərbaycanın nəzarətinə keçən 4 kəndində həyata keçirilə bilər.

ONN media xəbər verir ki, bu sözləri TASS-a Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib.

“Tam əminəm ki, Qarabağ bölgəsini dirçəltməyə imkan verən unikal proqram, əlbəttə ki, bu kəndlərdə də həyata keçiriləcək, bütün Qazax rayonu kimi onlar da gözəlləşəcək, çiçəklənəcək”, – o bildirib.

S.Seyidov hazırda böyük hissəsinin yataqxanalarda məskunlaşdığı köçkünlərin bu kəndlərə qayıdacaqlarına əminliyini ifadə edib. Onun sözlərinə görə, Azərbaycanda bərpa proqramları sürətlə həyata keçirilir.

Parlament komitəsinin rəhbəri onu da qeyd edib ki, Ermənistanla sərhədin delimitasiyası prosesi uğurla inkişaf edir.

Qeyd edək ki, 24 mayda Azərbaycan DSX Qazaxın işğaldan azad edilən 4 kəndinə nəzarəti bərpa edib

ONN İnformasiya Agentliyi
image_printÇap Et
OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png