ONN İnformasiya Agentliyi

Daha bir ölkə Ermənistana nota verdi

Daha bir ölkə Ermənistana nota verdi
21 İyun 2024 - 18:57

Belarus Xarici İşlər Nazirliyi (XİN) Ermənistanın xarici işlər naziri Ararat Mirzoyanın Belarus müxalifətinin lideri Svetlana Tixanovskaya ilə görüşünə etiraz əlaməti olaraq rəsmi İrəvana etiraz notası göndərib.

ONN media xəbər verir ki, bu barədə Belarus XİN-nin mətbuat xidməti məlumat yayıb.

Məlumata görə, Ermənistanın bu ölkədəki müvəqqəti işlər vəkili Narek Tiraturyan nazirliyə çağırılıb və ona yuxarıda bəhs olunan görüşlə bağlı etiraz notası verilib.

Xatırladaq ki, ötən gün Ermənistanın xarici işlər naziri Ararat Mirzoyan Vilnüsə səfəri zamanı Belarus müxalifətinin lideri Svetlana Tixanovskaya ilə görüşüb. Tixanovskaya və Mirzoyan Belarus, Ermənistan və regiondakı siyasi vəziyyəti müzakirə ediblər. Həmçinin Belarus hakimiyyətinin tələbi ilə bu ölkənin vətəndaşlarının ekstradisiya edilməməsi məsələsini qaldırıblar.

Tixanovskaya Belarus hakimiyyəti və şəxsən prezident Aleksandr Lukaşenko ilə bağlı qətiyyətli mövqeyinə görə rəsmi İrəvana təşəkkür edib.

İyunun 13-də isə Ermənistanın Baş naziri Nikol Paşinyan Belarus hakimiyyətinin ölkəsinə qarşı mövqeyi səbəbindən Aleksandr Lukaşenko hakimiyyətdə qaldığı müddətdə adı çəkilən dövlətə səfər etməyəcəyini açıqlamışdı

ONN İnformasiya Agentliyi
image_printÇap Et
OXŞAR XƏBƏRLƏR
XƏBƏR LENTİ
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png