Yay mövsümünün gəlməsi ilə çimərliklərə maraq artmağa başlayıb. Bakı sakinləri və qonaqları üçün bir neçə pulsuz çimərlik fəaliyyət göstərir. Bu çimərliklərdə dənizdən və günəşdən zövq almaq mümkündür.

ONN media-nın məlumatına görə, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə paytaxtın bir neçə qəsəbəsində baxımsız sahilyanı ərazilərdə pulsuz ictimai çimərliklər təşkil edilib.

Bu çimərliklərdə təmizlik, abadlıq və digər hazırlıq işləri tamamlanıb və ziyarətçilərin istifadəsinə hazır vəziyyətə gətirilib.

Qeyd edək ki, çimərlik ərazisinə giriş və yaradılan bütün imkanlar tamamilə ödənişsiz istifadə üçün nəzərdə tutulub.

Sabirabad rayonunda “Vətən Fədailərinin Hüquqlarının Müdafiəsi” İctimai Birliyi öz missiyasını icra edib

Ödənişsiz çimərliklər və onların yerləşdiyi ərazilər:

1. Sahil Çimərliyi (Lökbatan)
   • Yerləşdiyi Qəsəbə: Lökbatan
   • Gediş Yolları: 149 nömrəli avtobus
2. Buzovna Çimərliyi
   • Yerləşdiyi Qəsəbə: Buzovna
   • Gediş Yolları: 107 nömrəli avtobus
3. Novxanı Çimərliyi
   • Yerləşdiyi Qəsəbə: Novxanı
   • Gediş Yolları: 123 nömrəli avtobus
4. Görədil Çimərliyi
   • Yerləşdiyi Qəsəbə: Görədil
   • Gediş Yolları: 108, 134 nömrəli avtobuslar
5. Pirşağı Çimərliyi
   • Yerləşdiyi Qəsəbə: Pirşağı
   • Gediş Yolları: 173 nömrəli avtobus
6. Şıx Çimərliyi
   • Yerləşdiyi Rayon: Səbail
   • Gediş Yolları: 125, 127, 149 avtobuslar.

Məlumat üçün bildirək ki, bu çimərliklərdə ətraf mühitin qorunması üçün təmizlik qaydalarına riayət etmək vacibdir. Çimərliklərdə tullantıların düzgün şəkildə atılması, dənizin və sahil zolağının təmiz saxlanılması hər bir vətəndaşın vəzifəsidir.

ONN İnformasiya Agentliyi
Çap Et