“Beynəlxalq Ordu Oyunları – 2020” çərçivəsində Moskvada “Sərhədsiz dostluq” festivalı keçirilir. Festivalda Azərbaycanı Həzi Aslanov adına Ordu İdeoloji və Mədəniyyət Mərkəzinin Mahnı və Rəqs Ansamblı təmsil edir.

Müdafiə Nazirliyindən ONN media -ya verilən məlumata görə, festivalda hərbçilər təmsil olunduqları ölkənin və digər dünya xalqlarının mahnı və marşlarını, rəqsləri ifa edirlər. Hərbçilərimizin ifasında təqdim edilən milli hərbi marşlar, o cümlədən Azərbaycan xalq çalğı alətlərinin sədaları altında milli geyimlərdə rəqslər yerli və xarici tamaşaçıların rəğbətini qazanıblar.

Eyni zamanda, festival çərçivəsində Azərbaycan Mədəniyyət Günləri keçiriləcəkdir. Bu tədbirdə xalqımızın qədim köklərə bağlı mədəniyyəti, folkloru, tarixi özündə əks etdirən müxtəlif stendlər, eksponatlar, suvenirlər, xalçalar, kitablar, Azərbaycanda istehsal edilən ərzaq və digər məhsullar təqdim olunacaq.

Azərbaycanla Türkiyə arasında bir sıra sənədlər imzalanıb

50-dək ölkədən mindən artıq musiqiçi, vokalist və rəqqasın iştirak etdiyi festival sentyabrın 5-dək davam edəcək.

ONN İnformasiya Agentliyi
Çap Et