Azərbaycanda tarla günü keçiriləcək

Azərbaycan Milli Elmlər Akademiyasının (AMEA) Genetik Ehtiyatlar İnstitutu və “Azseeds” MMC-nin birgə təşkilatçılığı ilə avqustun 8-də “Tarla günü” keçiriləcək.

ONN media xəbər verir ki, İnstitutdan bildirilib ki, “Tarla günü”ndə 18 növ bitkinin 167 çeşidinin təqdim olunması planlaşdırılır.

Genetik Ehtiyatlar İnstitutunun Saray dayaq məntəqəsində keçiriləcək tədbir fermer, sahibkar və alimləri hibrid və sortların səciyyəvi xüsusiyyətləri barədə məlumatlandırmaq məqsədi daşıyır.