15 sentyabrdan başlayan dərs müddəti ilə sentyabrın 1-dən iyunun 14-dək davam edən dərs müddətini eyniləşdirmək boş və absurd fikirdir.

ONN media xəbər verir ki, bu sözləri təhsil eksperti Kamran Əsədov qeyd edib.

“Birincisi ona görə ki, 1-15 sentyabrda havanın temperaturu yuxarıya doğru qalxmır, əksinə sərinləşir. Bu da dərsə getmək üçün daha əlverişlidir. 1-14 iyunda isə hava daha da istiləşir ki, bu da tədris üçün əlverişsiz olur. Bundan başqa, 1-15 sentyabrda şagirdlər dərsə daha enerjili, həvəsli başlayırlar.1-14 iyun isə tam əksinə, şagirdlər 9 ay, 32-34 həftə ərzində dərsə gəlib yorulublar. Əlavə olunan vaxt isə onlara əlavə yükdür. Bu səbəbdən ən optimal tədris ili 1 sentyabr və 30 may arasıdır. Bu tədris ilinin tətbiqi daha effektiv olar”, – Əsədov bildirib.

Hava ilə bağlı XƏBƏRDARLIQ

Qeyd edək ki, elm və təhsil naziri Emin Əmrullayev ötən gün keçirdiyi brifinq zamanı məktəblərdə tədrisin sentyabrın 1-dən başlamasının məqsədəuyğun olduğunu təklif edib.

ONN İnformasiya Agentliyi
Çap Et