Ermənilər Qarabağda səngər qazır- NƏYƏ HAZIRLAŞILIR?

Ermənilərin səngər qazdığını əks etdirən görüntülər yayılıb.

ONN media xəbər verir ki, ermənilərin “Voma” terror qruplaşmasının sosial şəbəkədə yaydığı görüntülərin konkret hansı ərazidə lentə alındığı haqda bilgi yoxdur.

Diqqətçəkən məqam isə səngər qazanların mülki geyimdə, hətta yanlarında qadının da olmasıdır. Bu isə ermənilərin növbəti hiyləsidir.

Əvvəla, Ordumuz müdaxilə edərsə, mülki şəxslərə müdaxilə edildiyini bildirəcəklər; ikincisi, mülki əhalinin “özünü qorumaq üçün” çalışdıqlarını göstərməyə çalışırlar.

Ancaq səngərin çoxşaxəliliyi prosesin planlı şəkildə aparıldığını deməyə əsas verir.

Qeyd edək ki, VOMA (Voxj Mnalu Arvest – Sağ qalmaq sənəti) Ermənistan ərazisində fəaliyyət göstərən çoxsaylı terror təşkilatlarından biridir. Bu terror təşkilatının Qarabağdakı filialı xeyli müddətdir fəaliyyətə başlayıb.