ONN İnformasiya Agentliyi

Gələn il Naxçıvana 281 milyon manatdan çox dotasiya ayrılacaq

Gələn il Naxçıvana 281 milyon manatdan çox dotasiya ayrılacaq
31 Dekabr 2017 - 8:38

Beşinci çağırış Naxçıvan Muxtar Respublikası Ali Məclisinin yeddinci sessiyası keçirilib.

ONN media xəbər verir ki, sessiyada Naxçıvan Muxtar Respublikasının 2018-ci il dövlət büdcəsinin layihəsi müzakirəyə çıxarılıb.

Naxçıvan Muxtar Respublikasının 2018-ci il dövlət büdcəsinin gəlirləri 73 milyon 400 min manat, xərcləri 355 min 300 min manat, gəlir və xərcləri tənzimləmək üçün ayrılan dotasiya 281 milyon 900 min manat (o cümlədən, mərkəzləşdirilmiş gəlirləri 50 milyon 85 min manat, yerli gəlirləri 23 milyon 315 min manat və mərkəzləşdirilmiş xərcləri 330 min 169 min manat, yerli xərcləri 25 milyon 131 min manat) məbləğində təsdiq edilib.

Eyni zamanda sessiyada Naxçıvan Muxtar Respublikasının İşsizlikdən Sığorta Fondunun və Naxçıvan Muxtar Respublikası Dövlət Sosial Müdafiə Fondunun 2018-ci il büdcələri təsdiqlənib. İşsizlikdən Sığorta Fondunun 2018-ci il büdcəsinin gəlirləri 2 milyon 61 min 200 manat, xərcləri 2 milyon 61 min 200 manat, Naxçıvan Muxtar Respublikası Dövlət Sosial Müdafiə Fondunun 2018-ci il büdcəsinin gəlirləri 53 milyon 380 min manat, xərcləri 141 milyon 400 min manat, Dövlət Sosial Müdafiə Fondunun büdcəsinin balanslaşdırılması məqsədilə dövlət büdcəsinin öhdəliklərinin maliyyələşdirilməsi üçün ayrılan vəsait 88 milyon 20 min manat məbləğindədir.

ONN İnformasiya Agentliyi
image_printÇap Et
OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png