Günün koronavirus statistikası açıqlandı

Azərbaycanda son gündə COVID-19-a yoluxanların sayı açıqlanıb.

Nazirlər Kabineti yanında Operativ Qərargahdan ONN media-ya bildirilib ki, son gün ərzində koronavirus infeksiyasına 79 yeni yoluxma qeydə alınıb, 69 nəfər müalicə olunaraq sağalıb.

Məlumata görə, xəstəlikdən 3 nəfər vəfat edib.

Ölkədə indiyədək ümumilikdə 830 135 nəfər koronavirusa yoluxub. Onlardan 819 472 nəfər müalicə olunaraq sağalıb, 10 196 nəfər vəfat edib, hazırda aktiv xəstə sayı 467 nəfərdir.

Son gün ərzində 1 266, hazırkı dövrədək isə 7 565 697 test aparılıb.