Hələ də bir çox insanlar polietilen torbalarla bağlı dəyişiklikdə maraqlı deyillər.

ONN media  xəbər verir ki, bunu Ekologiya və Təbii Sərvətlər Nazirliyinin tabeliyindəki Dövlət Ekoloji Təhlükəsizlik Xidmətinin rəisi Hikmət Əlizadə deyib.

“Hətta həmin şəxslər üçün alış-veriş etdikləri yerlərdə onlara hansı qalınlıqda torba veriləcəyi də heç bir əhəmiyyət kəsb etmir. Ona görə də bu iş market sahiblərinin marağında olmalıdır. Ən azından başa düşməlidirlər ki, əks təqdirdə sahibkarlar cərimələrlə üzləşəcəklər”, – Əlizadə bildirib.

O qeyd edib ki, həmin cərimələrlə üzləşməmək üçün mağaza sahibləri polietilen torbaları alan zaman müvafiq sənədləri tələb etməlidir:

Bakıda tıxac olan yollar açıqlandı

“Yalnız qanunvericilikdə nəzərdə tutulan tələblərə cavab verən torbaları almaq lazımdır”.

H.Əlizadə vurğulayıb ki, polietilen torbalarla bağlı Ekologiya və Təbii Sərvətlər Nazirliyi müvafiq müraciətlər hazırlanır və bu aidiyyəti qurumlara göndəriləcək: “Bundan başqa vətəndaşlar üçün də müraciətlər olacaq. Eyni zamanda “Qaynar xətt” də olacaq. Vətəndaş bilməlidir ki, hansı məsələdə hansı quruma müraciət etməlidir”.

ONN İnformasiya Agentliyi
Çap Et