Martın 9-11-də Azərbaycan paytaxtında X Qlobal Bakı Forumu keçiriləcək.

ONN media xəbər verir ki, bu barədə forumun təşkilatçısı olan Nizami Gəncəvi Beynəlxalq Mərkəzinin Tvitter səhifəsində bildirilib.

Qeyd edilib ki, Forumun mövzusu “Dünya bu gün: çağırışlar və ümidlər” olacaq.

Qeyd edək ki, Qlobal Bakı Forumu Azərbaycan Respublikası Prezidentinin himayəsi altında və Nizami Gəncəvi Beynəlxalq Mərkəzinin təşkilatçılığı ilə 2013-cü ildən keçirilir. Forumlarda dünya gündəminin aktual mövzuları, qlobal problemlər müzakirə olunur.

DİQQƏT- Bu yollarda tıxac var

2022-ci ilin iyununda keçirilən IX Qlobal Bakı Forumu “Qlobal dünya nizamına təhdidlər” mövzusuna həsr olunmuşdu. Foruma 50-dək ölkədən nümayəndə heyətləri, o cümlədən dövlət başçıları, nazirlər, sabiq prezidentlər, eləcə də beynəlxalq təşkilatların rəhbərləri və yüksək vəzifəli şəxsləri qatılmışdı.

Xatırladaq ki, dünyanın bir sıra sabiq dövlət və hökumət başçılarının təmsil olunduğu Nizami Gəncəvi Beynəlxalq Mərkəzi 2012-ci ildə Gəncədə, dahi şairin 870 illik yubiley tədbirləri çərçivəsində təsis edilib

ONN İnformasiya Agentliyi
Çap Et