Ayın 30-na qədərki hava proqnozu

Aprelin 27-nə olan məlumata əsasən ötən sutka ərzində havanın temperaturu iqlim normasından 5.3° yuxarı olub, havanın maksimal temperaturu Bakıda və Abşeron yarımadasında 23°-dək isti, Naxçıvanda 23-27° isti, dağlıq rayonlarda 16-20° isti, aran rayonlarında 24-28° isti olub.

ONN media xəbər verir ki, Milli Hidrometeorologiya Xidmətindən bildirilib ki, aprelin 27-29-da ölkə ərazisində hava şəraitinin nisbətən sabit, gün ərzində əsasən yağmursuz keçəcəyi gözlənilir.

Lakin gündüz saatlarında bəzi dağlıq rayonlarda şimşək çaxacağı, qısamüddətli yağış yağacağı, dolu düşəcəyi ehtimalı var. Mülayim cənub küləyi üstünlük təşkil edəcək.