“Edam qərarı parlamentdən keçsə mənim təsdiqləmək hüququm var”.

ONN media xəbər verir ki, bu sözləri Türkiyə prezidenti Rəcəb Tayyib Ərdoğan Trabzon vilayətindəki çıxışı zamanı deyib. Buna səbəb isə mitinq iştirakçılarından birinin edam qərarının gətirilməsini istəməsi olub. Ərdoğan həmçinin Emine Bulutun öldürülməsini də vəhşilik adlandırıb: “Edam qərarını mən tək verə bilmirəm, buna hüququm çatmır. Ancaq parlamentdən keçərsə mənim təsdiqləmək hüququm var. Parlamentdən keçdiyi təqdirdə mən təsdiqləyəcəyimi isə dəfələrlə bildirmişəm. Emine Bulut hadisəsi isə göz yumulacaq məsələ deyil”.
Qeyd edək ki, bir neçə gün öncə Türkiyədə Emine Bulutun keçmiş həyat yoldaşı tərəfindən vəhşicəsinə öldürülməsi ictimaiyyətdə ciddi narazılıqlara səbəb olmuş və hər belə hadisə zamanı olduğu kimi yenə də “edam qərarı” ölkə gündəminə gəlmişdi.

Erməni diasporu Paşinyanı hədələdi

ONN İnformasiya Agentliyi
Çap Et