“Barış Pınarı”na görə futbolçular futboldan kənarlaşdırıldı

ONN media xəbər verir ki, İran Futbol Federasiyası iki futbolçunu futboldan uzaqlaşdırıb.
Buna səbəb həmin futbolçuların Türkiyənin Suriyada keçirdiyi “Barış Pınarı” əməliyyatına dəstək verməsi olub.
Belə ki, Təbrizin “Traktor” klubundan Mehdi Bəbri və Abadanın “Sənət Neft” komandasından Şirvan Qurbani Türkiyə bayrağının və türk əsgərinin şəkilini paylaşaraq “Barış Pınarı”na dəstək olub.
İran Futbol Federasiyası hər iki azərbaycanlı futbolçunu “idmançıya yaraşmayan hərəkətə” görə müvəqqəti olaraq futboldan kənarlaşdırıb.