Ukrayna ordusu Kupyansk, Liman, Baxmut, Avdeyevka və Marinka istiqamətlərində rusların çoxsaylı hücumlarını dəf etməkdə davam edir. Son sutka ərzində ruslar bu cəbhə xəttində 37 hücum həyata keçirməyə cəhd ediblər.

ONN media xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

“Ötən sutka ərzində Baxmut istiqamətində ruslar İvanovskoye qəsəbəsinin cənubunda itirilmiş mövqelərini bərpa etməyə çalışıblar. Düşmən Qriqorovka istiqamətində də uğursuz hücum əməliyyatları keçirib. Baxmut uğrunda döyüşlər davam edir. Düşmən Donetsk vilayətinin Vasyukovka, Markovo, İvanovskoye, Belaya Qora, Toretsk və Nyu-York yaşayış məntəqələrini atəşə tutub. Kupyansk istiqamətində ruslar Masyutovka ərazisində irəliləməyə çalışıblar. Xarkovun müxtəlif əraziləri artilleriya və minaatanlardan atəşə tutulub. Liman istiqamətində isə Rusiya ordusu Nevski vilayətinə aviasiya zərbələri endirib”, – məlumatda deyilib.

Türkiyə XİN-dən bu məsələyə reaksiya

ONN İnformasiya Agentliyi
Çap Et