ONN media xəbər verir ki, ABŞ-ın Ticarət Nazirliyi “qara siyahı”ya saldığı ölkələrin adlarını açıqlayıb.

Siyahıda Ermənistanın da adı var.

Sanksiyalar siyahısında Ermənistandan iki şirkət yer alıb: İrəvan Elmi-Tədqiqat Rabitə İnstitutu QSC (İrNİSS) və “Markel” QSC.

Məlumata görə, İrNİSS lisenziyasız ABŞ-ın Sənaye və Təhlükəsizlik Bürosunun Ticarət Nəzarəti Siyahısından (CCL) mallar alaraq təkrar ixrac edib.

Ayrıca, İrNİSS-in icraçı direktoru və “Markel” QSC-nin prezidentinin ABŞ-ın sanksiyaları altında olan İran təşkilatı ilə işbirliyində olduğu açıqlanıb.

Bu şəxslər Gürcüstanda üç ilə qədər vizasız qala biləcəklər

Şirkətlərin siyahıya daxil edilməsinin digər səbəbləri ABŞ Federal Reyestrinin saytında dərc edilmiş sənəddə yer alıb.

Ermənistandan başqa, Rusiya, Gürcüstan, Kanada, Çin, Belçika, Honq Konq, Malayziya, Hollandiya, Birləşmiş Ərəb Əmirlikləri və Birləşmiş Krallıqdan olan 14 şirkət də ABŞ Ticarət Nazirliyinin sanksiya siyahısına daxil olub.

ONN İnformasiya Agentliyi
Çap Et