Rava qəsəbəsi işğaldan azad edildikdən sonra İŞİD üzvləri çöllük sahələrə yayılıblar. O bölgələrdə də əməliyyatlar sürətlə davam etdirilir.
ONN media Axar.az-a istinadən xəbər verir ki, bu sözləri Haşdi Şabinin komandiri Əbu Tahir deyib.
“Bir il ərzində İraqın ikinci ən böyük şəhəri Mosul başda olmaqla, Havice Anbar, Təlafər, Rava İŞİD-dən azad edildi. Hazırda kənd yerlərində qərarlaşan İŞİD-çilərin məhvi üçün əməliyyatlar aparılır. Bundan sonra İŞİD tamamilə İraqdan silinmiş olacaq”, – Tahir söyləyib.