Paşinyan təxribatla bağlı NƏYİ ETİRAF ETDİ?

Bu gün Ermənistan Baş naziri Nikol Paşinyan parlamentdə növbəti anormal bəyanatla çıxış edib.

ONN media xəbər verir ki, ötəngünkü təxribatı dolayısı ilə ölkəsindəki “beşinci kolonun” törətdiyinə işarə edən Paşinyan bildirib ki, təhlükəsizlik xidməti bu məsələ ilə ciddi məşğul olmalıdır.

Baş nazir qeyd edib ki, Ermənistan silahlı qüvvələrinin tərkibində xarici ölkələrin agentlərinin olması istisna edilmir:

“Məsələn, yüksək rütbəli zabit orduda təşviş yaradır və tabeliyində olanlara döyüş mövqelərini tərk etməyi tapşırır. Bu cinayətlərin motivlərini aşkar etmədən vəziyyəti izah etmək olmaz. Deməli, bu zabitlərin komandirləri ilə yanaşı, onların yuxarıdan əmr aldıqları daha bir instansiya var”.