İstanbulun biznes mərkəzi olan Ataşəhər bölgəsində silahlı insident baş verib.

ONN media “Doğan” xəbər agentliyinə istinadən xəbər verir ki, gecə saatlarında Atatürk məhəlləsində yerləşən restoranda silah səsləri eşidilməyə başlayıb. Atışma zamanı Zəfər, Özkan və Güven adlı 3 nəfər güllə yarası alıb. Onlar xəstəxanaya çatdırılıb.

Bildirilir ki, atışmada yaralanan Güven adlı şəxs polis əməkdaşıdır.

Hazırda hadisə yerindən qaçan şəxslərin olub-olmadığını müəyyən etmək üçün kamera görüntüləri araşdırılır.