Türkiyənin Danimarkadakı səfirliyinə hücum olub.

ONN media xəbər verir ki, Kopenhagen Polis İdarəsi mətbuat xidmətinin rəhbəri Torben Madsen bildirib ki, hadisə ötən gün axşam saatlarında baş verib. Onun sözlərinə görə, şəhər polisi 02:55-də hadisədən xəbər tutub.

Madsen gecə saatlarında 4 nəfər naməlum şəxsin diplomatik nümayəndəliyə molotov kokteyli atdığını bildirib. 

Hadisə nəticəsində xəsarət alan olmasa da, səfirliyin inzibati binasına ciddi ziyan dəyib.