Latviyanın Moskvadakı səfirliyinin binası hücuma məruz qalıb.

ONN media bildirir ki,  bu barədə Latviyanın xarici işlər naziri Edqar Rinkeviç “Tvitter”də yazıb.

“Bu axşam Latviyanın Moskvadakı səfirliyinə hücum olub, təcavüzkarlar saxlanılıb. Rusiyanın Xarici İşlər Naziriliyinə  nota verəcəyik, diplomatik nümayəndəliyin təhlükəsizliyi və toxunulmazlığını tələb edəcəyik”, nazir yazıb.

Latviya XİN-in mətbuat katibi Qints Eqermanis LETA agentliyinə açıqlamasında bildirib ki, insident Moskva vaxtı ilə saat 17:30-da baş verib. Onun sözlərinə görə, bir neçə nəfər səfirliyin binasına tüstü şaşkaları və fişəng atıb.