Kanadada Çinli turistləri daşıyan avtobusun qəza törətməsi nəticəsində 1 nəfər həyatını itirib, 34 nəfər yaralanıb.
 
ONN media xarici mətbuata istinadən xəbər verir ki, Kanadanın Ontario bölgəsində, ABŞ-dan Kanadaya gedən Çinli turistləri daşıyan tur avtobusunun dünən axşam saatlarında qəza törətməsi nəticəsində 1 nəfər həyatını itirib, 34 nəfər isə yaralanıb. Baş verən qəzanın ardından yaralılar bölgədəki ən yaxın xəstəxanalara qaldırılarkən, Kanadadakı Çin Xalq Respublikasının konsulluğu da hərəkətə keçib.
 
19 Mayda Çinin Şanxay şəhərindən, ABŞ və Kanadanı gəzmək üçün yola çıxan qrupun, Cümə günü turlarına son verməsi planlaşdırılırdı.