ABŞ Prezidenti Donald Tramp Şimali Koreyada keçirilən son parada görə Kim Çen İnə təşəkkür edib.

ONN media xəbər verir ki, Ağ Ev rəhbəri Tvitter hesabında Kim Çenin belə bir parad keçirməsinin sülhsevərlik nümunəsi olduğunu yazıb.

“Şimali Koreya özünün 70 illiyi münasibətilə parad keçirdi. Nüvə raketləri olmadan... Mövzu – sülh və iqtisadi inkişaf...” - Tramp bildirib.

Qeyd edək ki, Şimali Koreya 70 illik yubileyi ilə bağlı bir neçə min hərbçi, zirehli texnika, tank və artilleriya qüvvələrinin cəlb olunduğu paradda qitələrarası ballistik raketlər nümayiş etdirilməyib.

Paradda Kim Çen İn də çıxış etməyib. Eyni zamanda, Şimali Koreyada bu tip tədbirlər üçün ənənə halını almış nüvə silahı şüarları və plakatları da yer almayıb.