“Rusiyanın əsas tərəfdaşları Afrika, Asiya və Latın Amerikası ölkələridir”.

ONN media xəbər verir ki, bunu Rusiya prezidenti Vladimir Putin “Ordu-2022” forumunda deyib.

“Biz çox yüksək qiymətləndiririk ki, ölkəmizin müxtəlif qitələrdə çoxlu müttəfiqləri var – bunlar “hegemon” adlandırılan ölkələrə boyun əyməyən ölkələrdir. Rusiya Latın Amerikası, Afrika və Asiya ölkələri ilə münasibətlərini səmimiyyətlə qiymətləndirir. ”, – Rusiya lideri bildirib.

V.Putinin sözlərinə görə, Rusiya daim inkişaf edən çoxqütblü dünya şəraitində xüsusi əhəmiyyət kəsb edən hərbi-texniki əməkdaşlığın hərtərəfli inkişafının tərəfdarıdır.

Bu şəxslər Gürcüstanda üç ilə qədər vizasız qala biləcəklər

Dövlət başçısı çıxışında Rusiya silahlarının Qərb texnikasından xeyli üstün olduğunu da vurğulayıb:

“Perspektivli rus silahlarının bir çox modeli xarici “həmkarlarını” onilliklər qabaqlayır və performans baxımından onları xeyli üstələyir. Söhbət yüksək dəqiqlikli silahlar və robot texnikasından, yeni fiziki prinsiplərə əsaslanan döyüş sistemlərindən gedir”

ONN İnformasiya Agentliyi
Çap Et